¾«¶«Ó°Òµ

I ddeall y byd, mae angen deall iaith. O lawysgrifau hynafol i fodelau cyfrifiadurol modern, o sut mae babanod yn dysgu siarad i effaith iaith ar gymdeithas, mae Ieithyddiaeth yn cwmpasu'r holl brofiad dynol.

Byddwch yn dysgu sut i weithio gyda data, yn ymchwilio i lawer o wahanol ffenomenau ieithyddol ,ac yn ennill sgiliau meddwl yn feirniadol a fydd yn eich gwneud yn werthfawr i gyflogwyr mewn meysydd amrywiol. Mae gennym ni'r dechnoleg ddiweddaraf i ymchwilio i iaith, e.e. dyfeisiau olrhain llygaid ac offer sain proffesiynol.

Mae Ieithyddiaeth yn grŵp clos o staff a myfyrwyr, lle gallwch ddod i adnabod pawb. Mae addysgu mewn grwpiau llai’n gosod Prifysgol Bangor ar wahân, ac yn eich galluogi i ryngweithio mewn ffordd fwy ystyrlon gyda'ch darlithwyr ac i fanteisio ar gefnogaeth bersonol barhaus. Mae myfyrwyr hefyd yn rhedeg Cymdeithas Ieithyddiaeth Bangor, sy'n trefnu digwyddiadau trwy gydol y flwyddyn.

Mae ein prifysgol wedi’i lleoli mewn rhan ddwyieithog o’r Deyrnas Unedig, felly byddwch yn ymuno â chymuned lle mae dwyieithrwydd yn fyw ac yn ffynnu. Yn ogystal â hynny, mae pob darlithydd mewn Ieithyddiaeth yn siarad mwy nag un iaith. Mae hyn yn golygu y byddwch yn gallu profi realiti amlieithrwydd a'r ffordd y mae ieithoedd gwahanol yn llywio cymdeithas.

Ar ôl dysgu am sylfeini ieithyddiaeth, byddwch wedyn yn gallu dewis eich arbenigedd. Byddwch hefyd yn cwblhau project traethawd hir ar bwnc o'ch dewis, a byddwch yn gweithio gyda darlithydd ar sail un-i-un i'w ddatblygu. Gallwch hefyd deilwra eich cwrs i gynnwys astudio dramor a/neu ymgymryd â lleoliad gwaith, i ehangu eich gorwelion a'ch paratoi i ymgymryd â bywyd ar ôl graddio.