¾«¶«Ó°Òµ

Bydd y sgwrs yn archwilio dull arloesol a chyfannol Cymru o fynd i'r afael â’r newid yn yr hinsawdd, gan ganolbwyntio ar fframwaith deddfwriaethol rhagweithiol y wlad. Llywodraeth Cymru oedd y llywodraeth genedlaethol gyntaf i ddatgan argyfwng hinsawdd yn 2019, a'r wlad gyntaf i ymgorffori 17 Nod Datblygu Cynaliadwy'r Cenhedloedd Unedig yn gyfreithiol drwy Ddeddf Llesiant Cenedlaethau'r Dyfodol (Cymru) 2015. Yn ein cyhoeddiad diweddar (Yorke et al., 2025), fe wnaethom archwilio’r llwyddiannau a’r heriau parhaus o ran gweithredu mentrau hinsawdd, megis sefydlu Byrddau Gwasanaethau Cyhoeddus i feithrin cydweithio traws-sector a defnyddio atebion sy'n seiliedig ar le sy'n ennyn diddordeb cymunedau. Bydd y sgwrs hon yn trafod ein canfyddiadau, ond hefyd yn mynd i'r afael â pholisïau penodol a dadleuol, megis y terfyn cyflymder 20 mya a'r Cynllun Ffermio Cynaliadwy, i ddangos y cymhlethdodau sydd ynghlwm ag ymgysylltu â'r cyhoedd a chyflwyno polisïau. Yn olaf, byddwn yn ystyried a yw model Cymru yn cynnig cynllun gwerthfawr i’w fabwysiadu’n ehangach, gan dynnu sylw at bwysigrwydd cyfathrebu cynaliadwy a chynhwysol a chyfranogiad cymunedol ystyrlon er mwyn profi llwyddiant yn y dyfodol.

Prif siaradwr: Dr Lynda Yorke

Bydd hyn yn cael ei gyflwyno trwy gyfrwng y Saesneg.